Simple ra nga solusyon

“Buanga aning Polano bai…magsige’g sunod-sunod nako…” matud pa sa amigo sa akong kompare, samtang nag-apong siya sa akong kompare nga nag-tune up sa iyang Celeste.

Tubag pod sa akong pare, “Ngano man diay bay…? …unsa ma’y problema?”

“Nagpa-tint ko sa ako kotse, nagpa-tint pod siya sa kotse niya…unya, nagta-od ko’g fog lights sa akong kotse, nagta-od pod siya sa iya…

…unya, sa dihang nagbutang ko’g antena sa radyo, nagbutang pod siya’g antena sa iya…” matud pa sa amigo sa akong kompare.

“Sayon ra na bay para dili na na siya magsunod-sunod nimo…butangi nag katig imo kotse."

Da, nahilom lagi ang amigo sa akong kompare…unya, taod-taod ni-ana, nitalikod, ug ni-uli sa ilang balay.