Si Man Mentong ug si Man Ala

Back in the 60’s, back when there was no internet yet, this
couple attained legendary status in my hometown. They were not showbiz
celebrities, mind you, they were just simple folks. God rest both their good souls.
To us Ormocanons, they both had attained their rightful spots in our folklore.



I have to narrate in the vernacular since the humor of the story
will be lost if I do it in either English or Tagalog:



Si man Mentong ug si man Ala ilado kaayo sa taga Ormoc, kinsa man kaha nga pure Ormocanon ang dili maka-ila
niining magti-ayon kaniadtong mga panahona, …kaniadtong tartanilya pa lang ang
maka-sulod sa pier pagsugat sa barko sa Aboitiz Shipping Lines inig ka
kaadlawon?

…kaniadtong panahona diin ma-ihap pa lang ang mga sakyanan nga nagdagan sa kadalanan didto sa Ormoc?



Sa laktod nga pagkasulti, ilado ning duha sa ilang
pagka-pilosopo.



Tungod lagi kay tapad sa dakong eskwelahan ning ila balay,
daghan kaayong mga estudyante ang mo-istambay diha sa ila, labi na kay naay dako
nga lingkoranan duol ra gyud sa dalan.



Usa niana ka higayon, naglingkod ni si man Mentong sa lingkoranan, sa dihang may
batan-on nga nagsakay ug bisikleta nga nibangga sa iyang gilingkoran ug hapit
siya maigo.



Ingon ang batan-on:” Noy, pasaylo-a intawon ko kay hapit ta
ka maligsi…”



Man Mentong: “ Sinmaylo ka na bitaw, mangadjo ka pa sin
pasaylo dakon..”




Dihay kausa nga mapagarbohon kaayo si man Ala
nga nag-istorya bahin sa iyang anak nga ni-eskwela didto sa laing lugar.



“Adton akon si Miti, ngilngig kaadjo adto, …mga ngilngig
liwat sin mga klasmeyt adton akon anak nga si Miti,

may Hapon, …may Aleman, …may Amerkano, …may Ruso…sus mga
ngilngig gadjud kaadjo adto nga mga tawhana…”



Unya nang Ala, naka-pasar sa iya kurso si Miti?


“Ay, …wa ngani magpaka-pasar adton Hapon, …Aleman, …Amerkano,
ngan sin Ruso, an akon pa kaha anak nga si Miti?...”



Pastilan, kutob ra diay sa pagka-ngilngig ang iya anak nga
si Miti.





Dihay kausa, pista to sa Ormoc, diha pa sa gitukoran karon
sa Centrum, nailhan pa tong lugara nga SPC Compound. Didto pa gihimo ang mga
kalingawan sama sa ‘jumping horse’, bingo, lunggong, hantak, etc.

..ang baratilyo, klase-klase nga mga karsones,
sapatos, panapton, ug uban pa ang naka-display.

Nakit-an namo si man
Mentong didto sa namaligyag panapton, among gidu-ol ug naminaw mi sa ila
istorya sa tindera…



Tindera: “ Kiri noy ay kay hinog nga ka rosa
(ang color)”



Man Mentong: “Dili la ako siton day, nangita ako sin hilaw nga karomata..”



Kung batan-on ka nga taga-Ormoc, sigurado ko nga naay
nahibaw-an nga istoryang pinilosopo bahin nila ni man Mentong ug ni man Ala ang
imo mama ug papa, o di gani, ang imo lolo ug lola. Pangutan-a lang sila.